Përfshihet nga zjarri një depo në Gjilan, nuk ka të lënduar

09:29 | 5 Shkurt 2025
E.K

Një zjarr ka përfshirë depon e një kompanie private në Gjilan, duke u zgjeruar më pas dhe përfshirë dy lokale të tjera.

Sipas raportit të policisë, bëhet e ditur se përveç dëmeve materiale, nuk raportohet për të lënduar.

Po ashtu, lidhur me këtë rast është njoftuar edhe prokurori dhe hetimet janë duke u zhvilluar

“Gjilan / 04.02.2025 – 08:15. Është përfshirë nga zjarri depoja e një kompanie private dhe pas pak zjarri ishte zgjeruar dhe kishte përfshirë edhe dy lokale tjera. Në vendin e ngjarjes kanë dalë njësitë përkatëse policore, ndërsa ekipi zjarrfikës ka shuar zjarrin. Përveç dëmeve materiale, nuk raportohet për të lënduar. Lidhur me rastin është njoftuar prokurori dhe rasti vazhdon nën hetime”, thuhet në raport./Arbresh.info